Feltdagar for vurdering av innmarksbeite – biologisk mangfald og spreieareal

Kommunane må handsame søknader om innmarksbeite som spreieareal for gjødsel. Auka krav til spreieareal dei kommande åra gjer det aktuelt med meir gjødsling på innmarksbeite. Dagens gjødsling på innmarksbeite krev òg godkjenning.

Det kan vere utfordrande å vurdere kor det kan vere biologisk mangfald, og korleis ein skal ta omsyn til dette. Andre tilhøve knytt til godkjenninga er òg relevant, jf Rettleiar for godkjenning av innmarksbeite som spreieareal [lenke: Godkjenning av innmarksbeite som spreieareal | Statsforvaltaren i Vestland].

Tid og stad

• Onsdag 27.5 Sveio
• Torsdag 28.5 Kvam
• Fredag 29.5 Alver
• Torsdag 4.6 Sogndal
• Torsdag 11.6 Nordfjordeid (Stad)
• Fredag 12.6 Førde / Skei (Sunnfjord)

Vel den staden som passar best. Tid kvar dag er kl. 11-15.

Tema:

• Sjå på ulike areal og bedømme kva biologisk mangfald vi ser
• Lære nokre indikatorartar og anna ein bør sjå etter
• Kan areala me ser godkjennast som spreieareal
• Andre tilhøve: kraftleidningar, elver og bekker, tilkomst mm
• Sjå ulike situasjonar og samordne forvaltinga

Innspel frå Norsk Landbruksrådgiving, konsulentfirmaet Miljøfaglig Utredning og Statsforvaltaren sin landbruksavdeling og miljøavdeling.

Praktisk informasjon

Me ber om at alle tek med matpakke til denne dagen, det blir òg ein liten kaffipause ca. midt i dagen. Oppmøtestad og anna praktisk informasjon blir sendt ut til dei påmelde når dette er på plass.

Påmelding innan 20. mai: Påmelding til feltdagar innmarksbeite – Fyll ut skjema