Andre samling i nettverk for førebyggande arbeid mot vald og overgrep mot barn og unge

Det blir innlegg frå kommunar og vi får høyre siste nytt frå fleire av nettverkets samarbeidspartnarar. I planlegginga av programmet har styringsgruppa teke med seg innspela som er komne på evalueringar og på årsmøtet. Detaljert program for samlinga kjem på denne sida når det er klart.

Praktisk informasjon

Du melder deg på via dette skjema, som går til Regionalt ressurssenter om vold, traumatisk stress og selvmordsforebygging Vest (RVTS Vest): Påmelding til digital nettverkssamling samling 6. mai

Det er gratis å delta på samlinga. Lenkje til Teams-møtet vert sendt ut 5. mai.

Ved å melde deg på, samtykker du samtidig til at namn og e-postadresse vert synleg i ein Outlook-invitasjon, i Teams-møtet og at den kan delast med arrangørar. Les meir om personvern under «Lenkjer». 

Om nettverket

Nettverket vart etablert i 2023 og målet er å skape møteplassar som styrkjer arbeidet. Nettverket er eit samarbeid mellom Statsforvaltaren i Vestland, Regionalt ressurssenter om vold, traumatisk stress og selvmordsforebygging Vest (RVTS Vest), Tannhelsetenesta sitt kompetansesenter Vestland, Regionalt kunnskapssenter for barn og unge (RKBU Vest) og Kompetansesenter for rusfeltet Bergen (KORUS Bergen). Kommunar i Vestland er representert i styringsgruppa, og i ressursgruppa deltar fleire instansar og fagmiljø.

Vi inviterer kommunar som ønskjer å styrke arbeidet sitt med å førebygge, oppdage, handle og hjelpe barn og unge som står i fare for, som utøver eller vert utsett for vald og seksuelle overgrep til å delta i nettverket.

Vi vil tilby kommunane støtte i arbeidet

Nettverket ønskjer å bidra til meir systematikk og langsiktig arbeid i implementering, opplæring og vedlikehald av nødvendig kompetanse for å førebygge og gi rett hjelp. Vi ønskjer å lage eit nettverk for å gi støtte til meir systematisk arbeid, fagleg påfyll og moglegheit for erfaringsutveksling på tvers av kommunar. Statsforvaltaren og kompetansemiljøa ønskjer å understøtte kommunane i arbeidet.

Tredje samling i nettverket blir 21. oktober.