Fagsamling – Barnehagemyndigheita

Kommunen som barnehagestyresmakt – mellom tilsyn og fagleg støtte

Statsforvaltaren i Vestland inviterer til ei fagleg samling for deg som arbeider med barnehagemyndigheit i kommunen. Samlinga vil setje søkelys på kommunen si rolle som både tilsynsmyndigheit og fagleg støttespelar for barnehagane.

Professor Kjetil Børhaug vil dele innsikt frå si forsking på dette feltet, og reflektere rundt utfordringar knytt til dobbeltrolla – særleg i møte med knappe ressursar og høge forventningar. Korleis kan kommunen balansere mellom kontroll og samarbeid, og mellom standardisering og lokal tilpassing?

I tillegg vil Gunnbjørg Aase frå Bergen kommune dele erfaringar frå kommunens arbeid med tilsyn etter barnehagelova kapittel 8 om det psykososiale barnehagemiljøet.

Med denne samlinga ynskjer Statsforvaltaren å fasilitere ein arena der kommunane kan hente inspirasjon og dele erfaringar kring utførselen av desse oppgåvene.

Samlinga rettar seg mot tenesteleiarar for oppvekst/barnehage og for personar med leiaransvar- eller oppgåver knytt til barnehagemyndigheita.

Samlinga er gratis å delta på, men deltakarane må sjølve dekkje reise og overnattingskostnadar.

De melder dykk med å følgje lenka på høgre side.

Vel møtt.