Vedtak etter pasient- og brukarrettslova kapittel 4A er ikkje søknadspliktige

Vi har oppdaga at det er ei oppfatning hos fleire i helsetenesta at dei skal søke Statsforvaltaren om tvangsvedtak. Dette stemmer ikkje. Når helsetenesta har fatta eit tvangsvedtak etter kapittel 4A, har dei grunnlag til å bruke tvang for å få gjennomført helsehjelpa så lenge vilkåra for dette er oppfylt.

Helsetenesta har fått mynde til å fatte vedtak om tvang etter pasient- og brukarrettslova kapittel 4A. Dette kapittelet gjeld tvang overfor somatisk sjuke som manglar samtykkekompetanse og som motset seg helsehjelpa. Statsforvaltaren skal ha kopi av vedtaket frå helsetenesta, jf. pasient- og brukarrettslova § 4A-6.

Dette er til forskjell frå vedtak etter helse- og omsorgstenestelova kapittel 9 (tvang og makt overfor personar med psykisk utviklingshemming), der ein skal søke til Statsforvaltaren om tvangsvedtak.