Lyser ut tilskot til aktivitetstiltak for eldre
Målet er å fremje fysisk og sosial aktivitet, og gje fleire eldre moglegheit til å delta å bidra i frivilligheita.
Tilskotet inngår i Eldreløftet til regjeringa, og skal bidra til at fleire eldre kan delta på aldersvenlege møteplassar og bidra som frivillige til fellesskapet. Ordninga skal bidra til å innfri aktivitetsgarantien under Bu trygt heime-satsinga, og til å motverke einsemd.
Målgruppa er eldre personar, både med og utan behov for kommunale tenester, primært personar over 60 år - hovudsakleg pensjonistar. Søknadsfristen er 27. mars, og det er frivillige og ideelle organisasjonar som kan søkje.
Det blir også halde eit webinar om tilskotet 6. mars.
Les meir om tilskotet og finn påmelding til webinaret på nettsida til Helsedirektoratet: Aktivitetstiltak for eldre - Helsedirektoratet