No kan du søke om tilskot til å ta vare på natur

Tilskotsordninga administrerast av Miljødirektoratet og søknadane blir behandla av dei ulike Statsforvaltarane. Lenke til søknadssida til Miljødirektoratet finn du i høgremargen. Det er i hovudsak fem ulike tema samla i ei ordning:

• Trua arter
• Trua naturtypar
• Verdifulle kulturlandskapsområde
• Ville pollinerande insekt
• Bekjemping av framande artar

Tilskotsordninga er open for privatpersonar, organisasjonar, verksemder, institusjonar og kommunar. Du kan få støtte til:

• Vedlikehald, skjøtsel og restaurering av naturtypar
• Tilpassa jordbruksdrift som styrkar biologisk mangfald
• Utstyr til skjøtselstiltak
• Tiltak for enkeltartar – som bevaring ved hjelo av utsetting eller innsamling av frø
• Etablering av leveområde for ville pollinerande insekt
• Bekjemping av framande artar
• Kartlegging og overvaking i samband med tiltak
• Utarbeiding av skjøtselsplanar
• Informasjonsarbeid

Eksempel på tiltak:

• Restaurering av slåttemark

Foto: Slått ved Engan med hesjing. Foto: Anne Marit Isachsen.

• Fjerning av sitkagran i kystlynghei for å hindre vidare spreiing

Foto: Sitkagran i Osen-Sandværet naturreservat. Foto: Gunhild Garte Nervold.

Nokre av dei tiltaka som blir prioritert høgast i 2026 er dei som:

• Gjev betre tilstand for naturtypar og artar i Oppfølgingsplan for trua natur. Her finn oversikt over aktuelle tiltak og i dette kartet finn du ut kvar dei kartfesta lokalitetane er.
• Følgjer handlingsplanar for utvalde naturtypar som slåttemark, slåttemye og kystlynghei
• Støttar nasjonale mål for pollinerande insekt og bekjemping av framande organismar
• Har positiv effekt for fleire trua artar og naturtypar samtidig
• Er forankra i langsiktige skjøtselsplanar eller avtalar
• Bidreg til å betre tilstanden i kulturlandskapsområder kartlagt som verdifulle kulturlandskap og som ligg i Naturbase. 

For fleire prioriteringar, sjå nettsida til Miljødirektoratet.

Viktige datoar:

• Søknadsskjemaet opnar 1. desember
• Søknadsfristen er 15. januar

Viktig for kommunar og store restaureringsprosjekt:

I denne tilskotsordninga vil kommunar og store restaureringsprosjekt (over 100 000 kr) bli prioritert lågare, men desse kan søke støtte gjennom andre ordningar som Natursats, Tilskudd til naturrestaurering eller Tilskudd til natur- og friluftslivstiltak i områder som er berørt av landbaserte vindkraftverk.

Kartet under viser ei oversikt over kva kommunar som er berørt av landbaserte vindkraftverk.