Jobbar du med natur? Søk om tilskot til di kommune

Tilskot til naturrestaurering

Kommunar, fylkeskommunar, organisasjonar og private tiltakshavarar kan søke om midlar til tiltak som bidreg til å restaurere forringa natur, inkludert naturbaserte løysingar som forbetrar forholda for naturmangfaldet.

Det kan gjevast tilskot til tiltak som bidreg til klimatilpasning, sikrar karbonlager eller forbetrar andre økosytemtenester.

Tilskot til å ta vare på natur

Du kan søke om tilskot til tiltak som skal bidra til bevaring av trua artar og naturtypar, utvalgte naturtypar, ville pollinerande insekt, verdifulle kulturlandskap og hindre negativ påverknad av framande artar.

Alle kan søke på ordninga, men tiltak over 100 000,- og søknader frå kommunar blir prioritert lavt i denne ordninga. Desse bør heller søke på dei tre andre tilskotsordningane. 

Du kan også lese meir om denne tilskotsordninga på Statsforvaltaren i Nordland si heimeside: No kan du søke om tilskot til å ta vare på natur

Tilskot til natur og friluftsliv i områder som er berørt av landbaserte vindkraftverk

Kven kan søke: Kommunar som er berørt av vindkraft, nabokommunar, interkommunale foretak, interkommunalt friluftsråd og frivillige lag og organisasjonar som har friluftsliv og ivaretaking av naturmangfald som hovudmål kan søke.

For Nordland gjeld dette følgjande kommunar: Vefsn, Grane, Hattfjelldal, Hemnes, Leirfjord, Alstahaug, Vevelstad, Brønnøy, Sørfjold, Steigen, Hamarøy, Narvik, Evenes, Lødingen, Hadsel, Sortland, Bø, Øksnes og Andøy.

Det kan søkast om midlar til tiltak som bidreg til at natur blir reetablert eller får betre betingelsar og at moglegeheit for friluftsliv blir betre. Formålet med denne ordninga er å kompensere for dei negative konsekvensane for natur og friluftsliv i områder som er berørt av vindkraft på land.

Natursats - Tilskot til kommunane sitt arbeid med å ta vare på naturmangfald

Kommunar og fylkeskommunar kan søke om tilskot til å utarbeide ein kommunedelplan for naturmangfald, revidere vedtekne naturmangfaldplanar, planvask av eldre arealplanar med tanke på å ta vare på naturareal, lokale tiltak for å ta vare på naturmangfaldet, samt tiltak som bidreg til arealnøytralitet.

Endringar i arealbruk, forureining og klimaendringar er dei største påverknadsfaktorane på naturen. Kommunane har ei sentral rolle i arealforvaltninga og eit ansvar for å ta vare på naturmangfaldet.

Natursats skal bidra til å redusere tap av natur i arealplanlegginga og styrke kunnskapsgrunnlaget i kommunen om natur.