Etablering av ACT-, FACT- og FACT ung-team
- Søknadsfrist:
- 1. april 2026 00:00
- Målgruppe:
- FACT ung: Barn og unge i alderen 12-25 år med psykiske helseplager og/eller rusmiddelrelaterte problem, og med langvarige og samansette behov som har behov for utgreiing, behandling og oppfølging som ikkje blir nådd av det ordinære helsetilbodet. ACT og FACT: Vaksne med alvorleg psykisk helse- og/eller rusmiddelproblematikk og med langvarige og samansette behov for behandling, utgreiing, rehabilitering, oppfølging og støtte, som ikkje blir nådd av det ordinære tenestetilbodet.
- Ansvarleg etat:
- Statsforvaltaren i Møre og Romsdal på vegne av Helsedirektoratet
- Kven kan søke:
- Kommunar og interkommunale selskap
- Rapporteringsfrist:
- 1. april 2027
Målet for ordninga er å styrke det heilskaplege, samtidige og tverrfaglege tenestetilbodet til barn, unge og vaksne med psykiske helseutfordringar og rusmiddelbruk.
Dette skal skje gjennom å etablere Assertive Community Treatment (ACT)-, Flexible Assertive Community Treatment (FACT) - og Flexible Assertive Community Treatment for dei mellom 12-25 år (FACT ung)-team.
Dette vil bidra til at:
- Tenesteutviklinga skjer på målgruppa sine arenaer og premissar, med mål om sosial inkludering, fleire friske leveår, betre livskvalitet, meistring og moglegheit for eit aktivt og meiningsfullt tilvære.
- Fleire kommunar og helseføretak etablerer og set i verk ACT-, FACT- og FACT ung-team.
- Målgruppa får heilskapleg og samtidig oppfølging og behandling for både rus- og psykiske helsevanskar.
Dei tiltaka som det blir innvilga tilskot til skal bidra til å nå målet for ordninga.
Det kan innvilgast tilskot til:
Delfinansiering av etablering og drift av ACT-, FACT- og FACT ung-team etter modellbeskrivingane utarbeidde av NAPHA. Tilskotsmidlane skal bidra til ei omstilling og styrking av eksisterande tenester, og kommune(r) og helseføretak må sjølv bli samde om korleis midlane skal nyttast i forprosjektfasen, i teametableringa og i driftsfasen.
Kven kan søke
- Kommunar
- Interkommunale selskap
Ein kommune kan søke på vegner av fleire kommunar og helseføretak og står då økonomisk og administrativt ansvarleg for tiltaket. Søknaden skal då utarbeidast i fellesskap mellom kommuna(ne) og helseføretaket.
Det står fritt opp til søkjar å vedta forankring av tiltaket i anten kommune eller helseføretak.
Kommunen og helseføretaket må sørge for ei gradvis innarbeiding av stillingar i økonomiplanar slik at kapasitet i tenestene blir av varig karakter etter at tilskot stansar. Kommunen og helseføretaket skal i søknaden beskrive korleis dette skal varetakast.
Informasjon, regelverk og søknadsskjema
Du finn meir informasjon om ordninga og regelverk på Helsedirektoratet si nettside Etablering av ACT-, FACT- og FACT ung-team.
Der finn du også søknadsskjema.
Søknaden skal sendast til Statsforvaltaren i Møre og Romsdal sitt postmottak: sfmrpost@statsforvalteren.no
Søknadsfrist er 1. april 2026.
- Søknadsfrist:
- 1. april 2026 00:00
- Målgruppe:
- FACT ung: Barn og unge i alderen 12-25 år med psykiske helseplager og/eller rusmiddelrelaterte problem, og med langvarige og samansette behov som har behov for utgreiing, behandling og oppfølging som ikkje blir nådd av det ordinære helsetilbodet. ACT og FACT: Vaksne med alvorleg psykisk helse- og/eller rusmiddelproblematikk og med langvarige og samansette behov for behandling, utgreiing, rehabilitering, oppfølging og støtte, som ikkje blir nådd av det ordinære tenestetilbodet.
- Ansvarleg etat:
- Statsforvaltaren i Møre og Romsdal på vegne av Helsedirektoratet
- Kven kan søke:
- Kommunar og interkommunale selskap
- Rapporteringsfrist:
- 1. april 2027
Kontaktpersonar
-
Ragnhild Naas
Tlf: 71 25 85 07