Utviklinga i kommuneøkonomien for 2020
Statsforvaltaren har laga ein rapport som viser hovudtrekka i utviklinga av kommuneøkonomien for 2020 i Møre og Romsdal.
Dette innholdet er mer enn ett år gammelt. Informasjonen kan derfor være utdatert.
Rapporten inneheld eit utval av indikatorar som viser den økonomiske utviklinga for kommunane, både enkeltvis og samla.
Tala er henta frå Statistisk sentralbyrå (SSB) og i hovudsak databasen KOSTRA. KOSTRA står for Kommune-Stat-Rapportering. Kvart år rapporterer kommunane rekneskapstala sine til SSB. Rundt den 15. mars blir ureviderte tal publisert og rundt den 15. juni blir dei reviderte tala publisert. Tala i rapporten byggjer på dei reviderte rekneskapstala.
Rapporten er aktuell for politikarar, leiarar og tilsette i kommunane, forvaltningsorgan på fylkes- og regionalt nivå, innbyggarar i Møre og Romsdal og andre som har interesse for kommunane sin økonomi.