Tilskot til tiltak for å ivareta natur

Kor skal søknaden sendast?

Søknad om tilskot sendast i Miljødirektoratets elektroniske søknadssenter innan fristen den 15. januar 2026.

Søknaden blir automatisk sendt til Statsforvaltaren i fylket der tiltaket skal gjennomførast.

Tiltak som kan få tilskot er:

• vedlikehald, skjøtsel og restaurering
• innkjøp og montering av utstyr knytt til skjøtsel
• konkrete tiltak for enkeltartar, til dømes bevaringsutsetting og innsamling av frø
• etablere leveområde for ville pollinerande insekt
• bekjemping av framande artar
• kartlegging og overvaking i forbindelse med gjennomføring av tiltak
• utarbeiding av tiltaks- og skjøtselsplanar
• informasjonsarbeid
• tilpassa jordbruksdrift som gjennomførast slik at det biologiske mangfaldet i og i tilknyting til areal blir ivareteke eller forbetra

Vi gjer merksam på at søknadar frå kommunar, og søknadar om store restaureringstiltak (over 100 000 kr), blir prioritert lågare over denne tilskotsordninga i 2026. Slike søknadar egnar seg betre å søkje på over ordningane natursats, tilskot til naturrestaurering eller tilskot til natur- og friluftslivstiltak i områder som er berørt av landbaserte vindkraftverk.

Skatt

Vi gjer oppmerksam på at tilskot som vederlag for eigen arbeidsinnsats er å anse som skattepliktig inntekt, jf. skattelova § 5-10. Dersom du søkjer som privatperson vil den delen av tilskotet som gjeld eigen arbeidsinnsats bli utbetalt som skattepliktig lønn. Dersom du søkjer som næringsdrivande må denne delen av tilskotet førast inn i næringsoppgåva. Tilskot til dekning av dokumenterte utgifter i tilknyting til arbeidet er skattefritt, jf. skattelova § 5-11.