Tilskot for å motverke einsemd hos eldre
Under koronaen har mange eldre fått mindre aktivitet og færre sosiale treff. Regjeringa løyvde både i fjor haust og nå i år tilskot for å motverke slik einsemd og passivitet. I Vestfold og Telemark har Statsforvaltaren tildelt nær 16 millionar kroner i tilskot til lokale tiltak i 2021.
Dette innhaldet er meir enn eitt år gammalt. Informasjonen kan derfor vere utdatert.
Den eine tilskotsordninga var øyremerka til heimebuande eldre. Her har 32 ulike tiltak til saman fått 5 703 000 kroner.
Den andre tilskotsordninga har som føremål å fremje aktivitetstiltak og besøksvert i sjukeheim og bemanna omsorgsbustadar. Totalt 37 tiltak fekk til saman 10 174 000 kroner i tilskot.
Kven som har fått tilskot finn du i boksen "Dokument".
Pengane skal brukast helst så snart som mogeleg og innan nyttår.