Søknad om løyve etter forurensningslova til anleggsarbeid knytt til oppgradering av fire tunnelar E39 ved Hornindalsvatnet

Av desse tunnelane ligg Kjøshammartunnelen i Møre og Romsdal, mens dei andre ligg i Vestland fylke.

Anleggsarbeida er forventa å starte opp i januar 2027, og ein reknar med at arbeida vil ta omlag 2 år. Utslepp av reinsa anleggsvatn vert til Hornindalsvatnet. 

Det er søkt om løyve til fylgjande:

• Mellombels utslepp av anleggsvann under tunnelarbeid

• Mellomlagring av forureina massar utenfor tiltaksområdet

• Permanente, periodevise utslepp av vaskevann i driftsfasen 

Anleggsarbeida skjer i Stad kommune, Vestland og Volda kommune Møre og Romsdal. Statsforvaltaren i Vestland har avtalt med Statsforvaltaren i Møre og Romsdal at fyrstnemnde tek sakshandsaminga. 

Norconsult har risikovurdert arbeida og søkt om avbøtande tiltak dei meiner reduserer fare for forureining og negativ påverknad til eit akseptabelt nivå.  

Søknadsdokumenta kan lesast via lenkja her: Søknad om løyve etter forureiningslova til anleggsarbeid knytt til oppgradering av fire tunnelar E39 ved Hornindalsvatnet | Statsforvaltaren i Vestland

Uttale til søknaden må merkast med referansenummer 2026/834 og sendast til Statsforvaltaren i Vestland (Njøsavegen 2, 6863 Leikanger eller sfvlpost@statsforvalteren.no) innan 9. mars 2026.