Dronning Sonja kjem til 50-årsjubileet for Storfjordens Venner
Hennar Majestet Dronninga vil avduke monumentet «Fjordafolket» ved Norsk Fjordsenter laurdag 6. september, og delta på festmiddag på Hotel Union på kvelden.
Monumentet «Fjordafolket» er laga av kunstnaren Ola Stavseng, på bestilling frå Storfjordens venner. Monumentet består av tre skulpturar i heilfigur; «Mor og barn», «Slåttekar» og «Høybør». Monumentet skal heidre minnet om folket på fjord- og fjellgardane langs Storfjorden.
Storfjordens Venner arbeider for å verne om kulturminne og levande tradisjonar. Deira hovudmål er å bevare og restaurere dei nedlagte fjord- og fjellgardane rundt Storfjorden på Sunnmøre. Dette inkluderer områda innover Storfjorden frå Sykkylven til Geiranger og Tafjord.
Avdukingsseremonien startar klokken 14.
Same kveld vil Dronninga delta på jubileet sin festmiddag ved Hotel Union.
Akkreditering for presse
Redaksjonar og journalistar som ønsker å dekke avdukingsseremonien kan fylle ut dette skjemaet (forms) ...
Frist for akkreditering er torsdag 4. september.