Fag- og tenesteutvikling

Eit godt lokalt rus- og psykisk helsearbeid krev samarbeid på tvers av fagområde, tenester og sektorar. Målet er å gi heilskaplege og koordinerte tenester – både til den enkelte og dei pårørande. Kommunane har eit viktig ansvar for å oppdage, vurdere, gi behandling og følge opp personar som treng hjelp.

Tenestene skal vere tilgjengelege, ha god kapasitet og vere prega av kvalitet, kompetanse og kunnskapsbasert praksis. Dei skal også utformast med vekt på behovet til brukarane.

Statsforvaltaren koordinerer og samordnar innsatsen innan psykisk helse og rus i regionen. Vi støttar kommunene i arbeidet med utvikling av tenester, innføring av nasjonal politikk, kompetanseheving, nettverksbygging, tilskot, kartlegging og tilsyn. Vi er klageinstans for innbyggarar som meiner at dei ikkje får dei helse- og omsorgstenestene dei har rett på, både når det gjeld spesialisthelsetenester og kommunale helse- og omsorgstenester.

Samansette lidingar krev samordna innsats

Personar som har både eit rusproblem og ei psykisk liding har ofte komplekse behov. Denne gruppa har fått meir merksemd dei siste åra, men det er framleis behov for betre utgreiing, behandling og oppfølging. 

Førebygging lokalt

Lokalsamfunnet speler ei viktig rolle i førebygging. Barnehagar, skular, fastlegar, helsestasjonar, arbeidsplassar og fritidsarenaer er sentrale aktørar i arbeidet med å førebygge psykisk uhelse og og rusmiddelbruk.

Barn og unge

Barn og ungdom som har foreldre med alvorlig sjukdom – anten psykisk eller rusrelatert – skal få særleg oppfølging. Kommunar og fylkeskommunar har ansvar for å koordinere innsatsen overfor barn og unge med samansette utfordringar.

Demensomsorg handlar om å skape trygge, verdige og meiningsfulle kvardagar for personar med demens og deira pårørande. Statsforvaltaren støttar kommunane i arbeidet med å utvikle heilskaplege og kunnskapsbaserte tenester, med vekt på tidleg innsats og god samhandling. Målet vårt er at kommunane planlegg og gjennomfører tenestene i tråd med Demensplan 2025. 

• Nasjonal faglig retningslinje om demens [helsedirektoratet.no]
• Veiviser demens – Praktisk hjelp til implementering [helsedirektoratet.no]
• Demensplan 2025 – Strategi og innsatsområder [helsedirektoratet.no]
• Kognisjon og demens – fakta og verktøy [aldringoghelse.no]
• Hva er demens? – e-læringskurs [aldringoghelse.no]
• Demenskartet [demenskartet.no]
• Utredning av demens – steg for steg [aldringoghelse.no]
• Filmressurser for pårørende og helsepersonell [aldringoghelse.no]
• Alle kurs og tilbud innen demens [aldringoghelse.no]
• Pårørendeavtale- et verktøy for godt samarbeid [helsedirektoratet.no]

For å tilby berekraftige og trygge helse- og omsorgstenester må kommunane ha tilgang på tilstrekkeleg og riktig kompetanse – og bruke ressursane effektivt og målretta. For å møte behova no og framover, må kommunane utvikle tenestene gjennom strategisk kompetanseplanlegging, systematisk opplæring og gode modellar for oppgåvedeling og organisering.

Heiltidskultur er viktig for å sikre kontinuitet, og helsetenestene må legge til rette for fagleg utvikling i alle ledd. Statsforvaltaren støttar kommunane i arbeidet med strategisk kompetanseutvikling, gjennom rettleiing, samordning og forvalting av verkemiddel.

• Kompetanseløft 2025 (helsedirektoratet.no)
• Strategisk kompetanseplanlegging (helsedirektoratet.no)
• ABC-opplæringen (aldringoghelse.no)
• Hvordan utvikle kompetansen i min organisasjon? (aldringoghelse.no)
• Tørn (ks.no)
• Opptrappinsgplan for heltid og god bemanning i omsorgstjenesten (regjeringen.no)
• Forskrift om ledelse og kvalitetsforbedring i helse- og omsorgstjenesten (lovdata.no)
• Veileder til forskrift om ledelse og kvalitetsforbedring i helse- og omsorgstjenesten (helsedirektoratet.no)
• NOU 2023:4 Tid for handling – Personellet i en bærekraftig helse- og omsorgstjeneste (regjeringen.no)

Førebyggande helsetenester, habilitering og rehabilitering er viktige område for å fremme helse, førebygge funksjonstap og støtte innbyggarar i å mestre kvardagen. Statsforvaltaren skal understøtte kommunane i arbeidet med omstilling, differensierte og likeverdige tilbod til alle målgrupper.

Velferdsteknologi gir nye moglegheiter for å sjølvstende, tryggleik og effektivitet i tenestene – og er ein naturleg del av kommunens helse- og omsorgsarbeid. 

Statsforvaltaren støttar kommunane ved å sikre at behov og moglegheiter for rehabilitering blir vurderte før det blir gitt tenester som skal erstatte tapt eller redusert funksjon. Vi bidrar også til utvikling av forløp på tvers av tenestenivå og sektor, og implementering av lovkrav om samarbeid, samordning og koordinering.

• Kommunen skal tilby barnekoordinator (helsedirektoratet.no)
• Velferdsteknologi (helsedirektoratet.no)
• Bruk av velferdsteknologi – rapport og erfaringer (helsedirektoratet.no)
• Nasjonal veileder  –  Samarbeid om tjenester barn, unge og deres familier (helsedirektoratet.no)
• Nasjonal veileder  –  Rehabilitering, habilitering, individuell plan og koordinator (helsedirektoratet.no)
• Meld. St. 9 (2023–2024) Nasjonal helse- og samhandlingsplan 2024–2027 Vår felles helsetjeneste (regjeringen.no)