Fylkkamánnis leat guokte váldodoaimma areálahálddašeamis:
- Fylkkamánni lea eanandoalu, birasgáhttema, dearvvašvuođa ja servodatsihkkarvuođa fágaeiseváldi, ja galgá fuolahit das, ahte nationála beroštumit váldojuvvojit vuhtii.
- Fylkkamánni galgá sihkkarastit, ahte gielddat čuvvot gustovaš lágaid go dat mearridit plána- ja huksenáššiid.
Meahcceláhka
Oslo ja dan lagaš gielddaid luondduguovlluid láhka (márkaláhka) galgá ovddidit ja heivehit guovllu olggustallamii, luonddu vásiheapmái ja valáštallamii. Láhka galgá sihkkarastit luondduguovllu rájáid ja seailluhit máŋggabealat eanadaga luonddu- ja kulturbirasin. Láhka fátmmasta 19 gieldda, mat gullet viđa fylkii Oslo, Akershus, Oppland, Buskerud ja Østfold. Oslo ja Akershus fylkkamánnis lea váldorolla lága čuovvuleamis.