Doaibmalohpeláhka
Doaibmalohpeláhka doarju árbevirolaš bearašeanandoalu, muhto lágas lea maid ávki sidjiide, geat háliidit ovddidit opmodagaid ođđa ealáhusaid olis, ja sidjiide geat háliidit ássat eanandoallodálus.
Ássangeatnegasvuohta
Politihkalaš ulbmil lea ahte olles riikkas galgá leat ássan, ja dan sihkkarastet earret eará ássangeatnegasvuođain. Ássangeatnegasvuohta gustogoahtá lága vuođul seammás, go dat geas lea árbevuoigatvuohta eatnamiidda dahje lea lagaš fuolki, eaiggáduššagoahtá opmodaga, masa lea huksejuvvon, ja mas lea eanet go 35 dekára gilvojuvvon eatnamat dahje 500 dekára vuovdi. Ássangeatnegasvuođa sáhttet maid bidjat doaibmalohpeášši eaktun. Gielddat sáhttet maid mearridit ássangeatnegasvuođa sidjiide, geat ostet dahje árbejit ásodagaid, mat leat jurddašuvvon olles jagi geavahussii.
Eananláhka
Eananlágas boahtá ovdan eanandoallopolitihka ulbmil, man mielde areálaresurssaid galgá sihkkarastit, ja dálu resurssaid doalahit ja nannet. Dat mielddisbuktá, ahte das guhte eaiggáda gilvojuvvon eatnamiid, lea maid geatnegasvuohta bargat daiguin.
Gielda dat meannuda ja mearrida áššiid eananlága ja doaibmalohpelága vuođul, ja Fylkkamánni lea váidalaninstánsa.