Fylkamánne máhttá bargov aktidit
Stuoráp hiehtedilijn ja hiedijn li álu moadda instánsa ma aktan barggi hiehtedillegiehtadallamijn. Dákkár dilijn Fylkamánne máhttá aktidit bargojt fylkan. Jus sjaddá ájggeguovddelattjat dákkár guovlodáse aktidimev jåhtuj biedjat, de aktijvuohta galggá vuododuvvut Fylkamánne ja guoskavasj etáhtaj gaskan. Dánna máhttá fylkagárvesvuodaráde ájnas forumin årrot.
Fylkegárvesvuodaráde galggá årrot
Fylkagárvesvuodaráden li guovdásj almulasj gárvesvuodaaktøra ja iesjmiellulasj ja priváhta siebre majn la fáhkamáhtudahka sebrudaksihkarvuoda ja gárvesvuoda birra. Ráde le forum gasskasasj diehtojuohkemijda gárvesvuoda birra, ja hiehtedilen ráde le Fylkamánne guovdásj aktisasjbarggo- ja doarjjaorgádna.
Doaron la Fylkamánnen viellde ájnas sebrudakberustimijt várajda válldet jus guládallam rádedusájn la boarkkanam.