Fylkamánne le åvdemusán tjanás guovdásj ja bájkálasj oajválattjaj gaskan ja máhttá duola degu hárjjidallamijt organiserit, gånnå Fylkamánne ja ietjá stáhtalasj oajválattja hárjjidalli suohkanij, æládusiellemaktøraj ja siebrij vuosstij. Dalloj de dát dáhpáduvvá fylkagárvesvuodaráde baktu, mij la tjoahkke guovdásj almulasj gárvesvuodaaktørajs, ja vil duodden iesjmiellulasj ja priváhta siebrij baktu.
Gárvesvuohta ájnas oassen sebrudakgárvedimbargon
Ietjá ájnas barggo Fylkamánnáj la bærrájgæhttjat vieledus gárvesvuohtaj vuoseduvvu sebrudakgárvedimbargon, ja bærrájgæhttjat suohkanijn li sierra hiehteplána.
Fylkamánne galggá koordinerit guovlodáse atomgárvesvuodav ja viehkken barggat vaj etáhta guovlodásen ja bájkálasj dásen plánajt åvddånahtti, ma vuosedi gåktu da máhtti atomhåhkkidimev giehtadallat. Stáhta suonjarsuodjalus le dán aktijvuodan fáhkaetáhtta.