Sebrudaksihkarvuohta bierri konkrehtalasj válgajt buktet
Anon dát mierkki duola degu goahtedájvvaguovlo ja ásadusá e galga guovlojda biejaduvvat gånnå máhttelis le dulvve, rido ja ietjá dáhpádusá ma máhtti várálattjan årrot ulmutja hæggaj ja varresvuohtaj. Viertti aj alternatijvvalasj vuoge årrot gåktu juhkamtjátjev ja strávvev oadtjot fievrridum jus oajvvefievrridimvuoge bæjsstani. Ådå jåhtulagáj ásadimijn galggi goahteguovlo, skåvlå ja ietjá ásadusá suoddjiduvvat.
Suohkanij VJR-analyjssa le lága baktu mierredum
Vádá- ja rasjesvuodaanalyjsa (VJR-analyjsa) aneduvvi jahkedahttevuoda ja konsekvensaj guoradallamijn ma guosski dáhpádusájda ma ælla sávadahtte avta mierredum guovlon. Dát máhttá duola degu årrot dulvve jali strávveboarkkanibme. Ålleslasj VJR-analyjssa galggá vuodon årrot suohkanij bargon sebrudaksihkarvuodajn.