Fylkamánnen li guokta guovdásj dago arealháldadimen:
- Fáhkaoajválattjan ednambargon, birásgáhttimin, varresvuodan ja sebrudaksihkarvuodan. Fylkamánne galggá bærrájgæhttjat nasjåvnnålasj berustime várajda váldeduvvi.
- Fylkamánne galggá sihkarasstet suohkanij mærrádusá pládna- ja tsieggimássjijn guoskavasj lágajt tjuovvu.
Márkoláhka
Láhka luonndoguovloj birra Oslon ja dan lahka suohkanijn (márkoláhka) galggá ålggoiellemav, luonndovásádusáv ja valástallamav åvdedit ja hiebadit. Láhka galggá márko (luonndoguovlo) rájájt sihkarasstet ja boandás ja moattebelak duobddágijt ja luonndo- ja kulturbirrasijt bisodit. Láhka gåbttjå 19 suohkana, vidá fylkajn, ma li Oslo, Akershus, Oppland, Buskerud ja Østfold. Fylkamánnen Oslon ja Akershusan la guovdásj roalla lága gåtsedimen.