Nuoskkideapmi

Marin forsøpling.
Marin forsøpling. Foto: Statsforvalteren i Vestfold og Telemark.

Fylkkamánni lea nuoskkidaneiseváldi ollu fitnodagaid ja doaimmaid hárrái. Dat mearkkaša, ahte Fylkkamánni sáhttá addit lobi doaimmaide, mat nuoskkidit. Ovddasvástádussuorgi fátmmasta earret eará dearvvašvuhtii ja birrasii váralaš kemikálaid, bázahusaid ja ođđasit ávkkástallama, áibmonuoskkideami ja rieja, ja čázádagaid ja eatnama nuoskkideami.

Fylkkamánni galgá nuoskkidanlága vuođul earret eará: 

  • meannudit dakkár doaimmaid luoitinohcamušaid, mat dárbbašit Fylkamánni lobi, earret eará asfáltarusttegiid ja geađgemollehagaid, bázahusčáhcerusttegiid, biilaráđuid čoagginsajiid, boaldinrusttegiid, báhčinbánaid, mohtorvaláštallanbánaid ja sierralágan industriijafitnodagaid ohcamušaid
  • gozihit dakkár fitnodagaid doaimmaid, mat eai dárbbaš sierra lobi, muhto maid doaimmaid láhkaásahusat muddejit, earret eará asfáltarusttegiid,geađgemollehagaid, bioboaldámušrusttegiid ja skiipahuksehagaid
  • meannudit ohcamušaid, mat gusket bázahusčáziid luoitima sáivačáhcái ja merrii
  • meannudit ohcamušaid, mat gusket golggiidusmođi vurkemii
  • meannudit ohcamušaid, mat gusket mođi čorgemii ja meannudeapmái
  • čuovvulit guovlluid, main eana lea nuoskkiduvvon, ja gielddaid deponiijaid, mat eai leat šat geavahusas
  • bearráigeahččat ja gozihit, ahte nuoskkidanláhka, láhkaásahusat ja lobit eai rihkkojuvvo 

Vis mer