Statsforvalteren fikk nytt og kjønnsnøytralt navn 1. januar 2021. Det gamle navnet vårt var Fylkesmannen.

Fuođđut

Guovža, gumpe, albbas, geatki ja goaskin leat fuođđut. Váldoulbmil lea sihkkarastit njealji stuorra fuđđui ja goaskimii nana náliid, mat cevzet. Seammás lea ulbmil doalahit aktiiva eanandoalu ja geavahit ávkin sávzzaid ja bohccuid guohtunvalljodagaid meahcis. Dán guovtteoasat ulbmila juksan eaktuda fuođđuid hálddašeami, seammás go eanandoalu ferte heivehit fuođđuide mávssolaš guovlluin.

Fylkkamánni bargun fuođđuid hálddašeamis lea earret eará:

  • juolludit ruđaid, maiguin ovddalgihtii eastadit fuođđuid dahkamis vahágiid, ja meannudit buhtadusohcamušaid, mat gusket šibitvahágiidda, maid ráfáidahttojuvvon fuođđut leat dagahan
  • meannudit geatkki ja albasa hiŋggalbivdoohcamušaid
  • mieđihit speaddji albasa, geatkki, gumppe ja guovžža goddinlobi, mii gullá fuođđolávdegotti juolludan earrái
  • hálddašit goaskinnáli ja meannudit speaddji goaskima goddima
  • doaibmat guovlluguovdasaš fuođđolávdegotti čállingoddin. Lávdegoddi fuolaha fuođđonáliid hálddašeamis, nu ahte elliid lohku lea nu lahka guovllu nálleulbmila go vejolaš