Statsforvalteren fikk nytt og kjønnsnøytralt navn 1. januar 2021. Det gamle navnet vårt var Fylkesmannen.

Jávohisgeatnegasvuođas luvven

Jos barggat skuvllas, mánáidgárddis, mánáidsuodjalusas dahje sosiálaetáhtas, de du sáhttet luvvet jávohisvuođageatnegasvuođas, jos galggat vihtanuššat diggeáššis dahje čilget go politiija gažada konkrehta dili birra, mas sáhttá oažžut ráŋggáštusa. Fylkkamánni dat luvve jávohisvuođageatnegasvuođas.

Jos Fylkkamánni ii luvve jávohisvuođageatnegasvuođas, de diggi sáhttá liikkáge diggemearrádusain mearridit, ahte don galggat vihtanuššat. Riekti sáhttá maid mearridit, ahte don it galgga čilget ášši, vaikko Fylkkamánni livččiige luvven du jávohisvuođageatnegasvuođas.

Fylkkamánni ii dárbbaš luvvet jávohisvuođageatnegasvuođas, jos dat olmmoš, gean dieđuide jávohisvuođageatnegasvuohta gusto, miehtá dieđuid addimii. Luvven ii maid dárbbašuvvo go fylkkalávdegoddi dahje duopmostuollu meannuda ášši mánáidsuodjaluslága vuođul.

Vis mer