Statsforvalteren fikk nytt og kjønnsnøytralt navn 1. januar 2021. Det gamle navnet vårt var Fylkesmannen.

Geafivuođa eastadeapmi

Ráđđehus lea ráhkadan geafivuođa eastadeami doaibmaplána Norgii. Plána gullá ollislaš politihkkii, mii fátmmasta

  • sosiála dássema
  • ovttaidahttima
  • geafivuođa eastadeami

Plánas leat doaimmat, maid vehkiin buohkat galget oažžut vejolašvuođa beassat bargui ja mánát ja nuorat galget beassat oassálastit ja ovdánit. Plánas leat maid doaimmat, maiguin buoridit sin eallineavttuid, geain lea váddáseamos dilli. Maiddái NČB sosiála bálvalusaid lága ulbmil lea buoridit sin eallineavttuid, geain lea váttis dilli ja láhčit dili, nu ahte olbmot dovdet iežaset oadjebassan sosiálalaččat ja ruđalaččat.

Fylkkamánni galgá ovddidit oahpahusa

Fylkkamánni galgá bargat oahpahusa, ovddideami, gelbbolašvuođa ja Nbč sosiála bálvalusaid kvaliteahta ovdii ja maiddái čuovvulit ekonomiija rávvema ja sosiála bálvalusaid, mat gusket mánáide ja nuoraide.

Geafivuođa eastadeami doarjja

Fylkkamánni hálddaša maid ollu doarjjaortnegiid. Doarjagat laktásit geafivuođa eastadeami doaibmaplánii, ja buot gielddat sáhttet ohcat doarjaga. Fylkkamánni ja Bargo- ja čálgodirektoráhtta (Nbč) válljejit guđe gielddaide juolludit doarjaga. Mánáid geafivuođa eastadandoarjaga ulbmil lea hehttet ja geahpedit daid mánáid, nuoraid ja mánnábearrašiid geafivuođa ja sosiálalaš olggobeallái báhcima, geaidda Nbč addá sosiálaveahki. Ásodatsosiála bargguin galget nannet ja ovddidit gielddaid bálvalusaid, nu ahte dat buorebut sáhttet čuovvulit daid olbmuid, geain ii leat ásodat dahje geat geavahit gárrenmirkkuid, ja geat dárbbašit veahki ásodagain.

Vis mer