Bergen kommune er gjennom prosjektet "Reinare Hamn Bergen" klar til å gjennomføre ei opprydding av forureina sjøbotn i Vågen. Sjøbotnen er sterkt forureina, og prosjektet har fått rammeløyve etter plan- og bygningslova.
Vågen er eit freda kulturminneområde. Før miljøoppryddinga kan starte, må området "frigivast" av kulturminnestyresmaktene. Det må gjennomførast omfattande marinarkeologiske utgravingar før det fysiske arbeidet med sjølve oppryddinga kan starte.
Bergen kommune er tiltakshavar og står som ansvarleg søkjar for løyve etter forureiningslova for dei marinarkeologiske undersøkingane. Kommunen er byggherre for prosjektet og har det overordna faglege ansvaret for å følgje opp ytre miljø under gjennomføringa. Saman med Norsk institutt for kulturminneforsking (NIKU), har Bergens Sjøfartsmuseum det arkeologiske fagansvaret for både planlegging og sjølve gjennomføringa av utgravingane.
Løyvet dekker mudring av totalt 650 m³ forurensede sedimenter fordelt på fem sjakter, som er organisert i to faser:
• Fase 1: Omfatter utgraving av sjakt 5 (mellom Munkebryggen og Nykirkekaien), planlagt gjennomført høsten 2026.
• Fase 2: Omfatter utgraving av sjakt 1–4 (ved Bradbenken, Bryggen og Strandkaien), planlagt gjennomført tidligst i 2027-
Informasjon
Løyve med vilkår og søknad om løyve ligg under dokumnet på denne sida.
Løyvet ligg også på www.norskeutslipp.no.
Rett til å klage
Partane som er involvert i saka og andre med særlege interesser, kan klage på vedtaket innan fire veker. Klaga skal sendast til Statsforvaltaren, som kan gjere om vedtaket eller sende klaga vidare til Miljødirektoratet. Merk klaga med referansenummeret 2025/14139.