Ta vare på kulturlandskapet
For å ta vare på kulturlandskapet kan du halde fram med tradisjonell drift, eller sette i gang skjøtsel og restaurering. Du kan søke om ulike tilskot til dette.
Les meir på landbruksdirektoratet sine nettsider:
Kulturlandskapet har endra seg mykje i moderne tid, mellom anna fordi driftsformene er endra og jordbruksareal er bygd ned.
Plantar, insekt og andre artar som lever i gamal kulturmark, er no sjeldne eller står i fare for å forsvinne. Gamle ferdselsvegar, kulturminne, tekniske anlegg og verneverdige bygningar gror att og forfell. Også gamle husdyrrasar og tradisjonelle plantesortar er utsette.
Tradisjonell drift, skjøtsel og restaurering er tiltak som bidrar til å halde kulturlandskapet levande.
Utvalde kulturlandskap
Nokre spesielt verdifulle kulturlandskap, utvalde kutlurlandskap, får nasjonal oppfølging. Det skjer gjennom langsiktige skjøtselsavtalar og samarbeid mellom grunneigarar, brukarar, kommunar og landbruks-, miljø- og kulturminnemyndigheitene på fylkesnivå.
Les meir om utvalde kulturlandskap i jordbruket på landbruksdirektoratet sine nettsider: Utvalgte kulturlandskap i jordbruket - (landbruksdirektoratet.no).
Les meir på landbrukdirektoratet sine nettsider.
Verdsarvsatsinga i landbruket
Åtte norske verdsarvområde står i dag på UNESCOs verdsarvliste. Av desse er det spesielt tre område der landbruket speler ei vesentleg rolle; Vegaøyan i Nordland, Vestnorsk fjordlandskap i Møre og Romsdal og Vestland og Røros bergstad og Circumferensen i Trøndelag og Innlandet. For å styrkja landbruket i desse områda er det ei eiga tilskotsordning.
På nettsida til landbruksdirektoratet kan du lese meir om tilskot, om satsinga, om regelverk og kven som har ansvar for kva i verdsarvsatsinga i landbruket.
Regionalt miljøtilskot
For å ta vare på kulturlandskapet kan du halde fram med tradisjonell drift, eller setje i gang skjøtsel og restaurering. Du kan søkje om ulike tilskot til dette, mellom anna gjennom regionalt miljøtilskot.