Kulturlandskap - UKL - Verdsarv
Jordbruket sitt kulturlandskap vert også gjerne kalla jordbrukslandskapet. Dette landskapet har jordbruket forma gjennom drift i fleire hunder år og gjer det også i dag.
Jordbrukslandskapet er ein viktig del av nærmiljøet, og skapar tilhøyrigheit. Det gjev opplevingar av lokal natur, kultur og historie. Dette er viktige ressursar for lokal verdiskaping og utvikling i jordbruksbygdene. I Vestland er det fleire områder som får ekstra tilskot for å sikre ei langsiktig varetaking av desse verdiane og ressursane.
Utvalde Kulturlandskap i Vestland (UKL)
Satsinga «Utvalde kulturlandskap i jordbruket» er ei oppfølging av nasjonale mål om å ivareta kulturlandskapet. Dette er eit samarbeid og spleiselag mellom landbruks- og miljøstyresmaktene.
Utvalde kulturlandskap - nettportal
Av 51 utvalde område i heile landet er no 7 område i Vestland med i satsinga. Det er utvalde kulturlandskap (UKL) i desse kommunane i Vestland - her med lenker til kommunane sine nettsider for UKL:
Verdsarvområdet
Vestnorsk Fjordlandskap
Vestnorsk fjordlandskap vart innskrive på UNESCO si World Heritage List eller verdsarvlista i 2005. Vestnorsk fjordlandskap (VF) omfattar dei to delområda
Geirangerfjordområdet i Stranda kommune i Møre og Romsdal og
Nærøyfjordområdet i Aurland kommune i Vestland fylke
Vestnorsk fjordlandskap - nettportal
Landbruksdirektoratet og Miljøverndepartementet har sidan 2008 løyvd midlar til verdsarvområda. Midlane skal nyttast i samsvar med Tiltaksplan for kulturlandskapet i verdsarvområde Vestnorsk Fjordlandskap og Vegaøyan.
Landbruk og kulturlandskap utgjer ein viktig del av verdsarvverdiane i desse områda. Føremålet med midlane er å styrke og utvikle jordbruket i desse verdsarvområda slik at kulturlandskapsverdiane blir teke vare på for framtida.
Lærdal kommune (ÅLA-landbrukskontor) forvaltar verdsarvmidlane for Nærøyfjorden - søknadsfrist 1. september kvart år
20-årsjubileum for Vestnorsk fjordlandskap som verdsarvområde
26. juni markerte Nærøyfjorden verneområdestyre jubileet med eit arrangement på garden Styvi.
Publisert 15.05.2025
Kystbonde nominert til den nasjonale kulturlandskapsprisen
Over fleire ti-år har John Inge Vik gjort ein stor innsats for å bevare og synleggjere kulturlandskapet i Vestland. No er han Vestland fylke sin kandidat til nasjonal kulturlandskapspris.
Publisert 17.01.2025
Kven fortener kulturlandskapsprisen for Vestland?
Prisen skal heidre nokon som har gjort ein ekstra innsats med å ta vare på og utvikle kulturlandskapet.
Publisert 03.10.2024
Satsing på kulturlandskap i verdsklasse
I år fekk bøndene i verdsarvbygda Undredal den nasjonale kulturlandskapsprisen. Dei gjer eit imponerande arbeid med drift og utvikling i samspel med kulturlandskap og natur. Med gode støtteordningar og lokalt engasjement går fleire bygder i Vestland i same retning.
Publisert 04.09.2024
Nasjonal kulturlandskapspris til Verdsarvbøndene i Undredal
Den nasjonale Kulturlandskapsprisen 2024 vart denne veka tildelt Verdsarvbøndene i Undredal, for det framifrå arbeidet dei gjer for å ta vare på verdiane i landbruket sitt kulturlandskap.
Publisert 28.08.2023
Nok ein pris til kulturlandskapet i Vestland
Dagen etter utdelinga av Kulturlandskapsprisen i Vestland til verdsarvbøndene i Undredal, vart Den nasjonale Kulturlandskapsprisen for 2023 tildelt Skjolden beitelag for deira arbeid og engasjement for kulturlandskapet i Mørkridsdalen
Publisert 23.08.2023
Kulturlandskapsprisen til verdsarvsbøndene i Undredal
– Denne aller første Kulturlandskapsprisen i Vestland går til det framifrå arbeidet de gjer for å ta vare på verdiane i landbruket sitt kulturlandskap. Gratulerer så mykje, sa fylkesordførar Jon Askeland, då han delte ut prisen i Undredal tysdag.
Kontaktpersonar
-
Frøydis Lindén
Tlf: 55 57 21 86 -
Øyvind Vatshelle
Tlf: 55 57 21 78
Forskrift UKL + Verdsarv
Søknadsportal for UKL
Søknadsportal Verdsarv
Landbrukets kulturlandskap - tilskot
Det er eit viktig landbrukspolitisk mål å sikre berekraftig ressursforvaltning med eit sterkt vern av jordsmonnet, bevaring og vedlikehald av kulturlandskapet og sikring av det biologiske mangfaldet. Landbruket har eit ansvar for å følgje opp desse måla gjennom god forvaltning og drift av areala. Arbeidet med kulturlandskap er tverrsektorielt og femner både landbruk, natur-og kulturminne-sektoren.
Aktuelle tilskotsordningar kan vere ordningar til dømes både under:
- Regionalt miljøprogram (RMP)
- Spesielle miljøtiltak i landbruket (SMIL)
- Tilskot til truga naturtypar
- Tilskot til fjerning av framande artar
I tillegg forvaltar eit utval kommunar tilskot til:
- Utvalde kulturlandskap (7 kommunar)
- Verdsarvområdet i Nærøyfjorden
Statsforvaltaren er klageinstans i alle tilskotssakene.