Søknad om løyve til anleggsarbeid for utfylling av landareal - Nikøy Eigedom - Bulandet i Askvoll
- Høyringsfrist:
- 7. september 2026 23:00
Nikøy Eigedom søkjer om løyve etter forureiningslova til anleggsarbeid. På Bulandet i Askvoll kommune ønskjer Nikøy Eigedom AS å utvide landarealet og forlenge det eksisterande kaiområdet for å betre den daglege drifta fordi det er trangt på kaiområdet.
Areal for utfylling i sjøen nord for eksisterande kaia vil dekke om lag 1600 m2 og det berekna volumet ligg på om lag 5000 m3 steinmassar. Området skal fyllast opp til kote 2, same høyd som eksisterande kai og tilstøytande terreng. Det skal nyttast lokale massar.
All synleg forureining eller plast i massane skal fjernast og leverast til godkjent avfallsmottak. For å ta omsyn til fuglar i hekketida og fisk i gytetida, skal det ikkje arbeidast i tidsrommet frå 1. februar til 31. mai.
Tidsperiode for planlagt gjennomføring er august 2026 til januar 2027.
Offentleg ettersyn
Saksdokumenta finn du til høgre på denne nettsida.
Merknader til søknaden kan du sende til sfvlpost@statsforvalteren.no, eller til Statsforvaltaren i Vestland, Njøsavegen 2, 6863 Leikanger.
Merk saka med referansenummer 2026/12024. Frist for å gje fråsegn er 7. september 2026.
Alle fråsegner vert registrerte i vår postjournal. Alle må difor skrive under med fullt namn.
- Høyringsfrist:
- 7. september 2026 23:00