Garden som arena for meistring og fellesskap
Inn på tunet er tilrettelagde og kvalitetssikra velferdstenester på gardsbruk. For personar med demens kan praktiske gjeremål, kontakt med dyr, naturopplevingar og sosialt samvær bidra til aktive og meiningsfulle dagar.
Gode erfaringar frå kommunane i Rogaland
I Rogaland har fleire kommunar gode erfaringar med å bruke Inn på tunet som eit supplement til dei ordinære dagaktivitetstilboda. Tilboda kan bidra til auka livskvalitet for deltakarane, samtidig som dei gir verdifull avlasting for pårørande.
Ein ressurs i demensomsorga
Statsforvaltaren i Rogaland ønskjer å gjere moglegheitene innan Inn på tunet betre kjende og oppmodar fleire kommunar til å vurdere garden som ein ressurs i demensomsorga.
Sjå filmen og bli inspirert
Inn på tunet Norge SA har laga ein film om korleis Inn på tunet kan skape gode dagar for menneske med demens.
▶ Sjå filmen om Inn på tunet; Demensomsorg på gård