Meld frå om alvorleg hending i helse- og omsorgstenesta

Føremålet er å sikre læring og betre rutinar

Alle som yter helsehjelp pliktar å melde frå om alvorlege hendingar. For å sikre betre læring etter alvorlege hendingar blir det stilt tydelege krav til oppfølgingsarbeid i verksemda. 

Statsforvalteren rettleiar og støttar verksemda i forbetringsarbeidet. Vi skal ikkje primært granske enkelthendingar. Hovudmålet med meldeordninga er at verksemda sjølv lærer av alvorlege hendingar, og etablerar rutinar for å hindre at hendinga skjer igjen.

Kva skal meldast?

Hendingar som verksemda skal melde frå om er

• dødsfall eller svært alvorleg skade på pasient eller brukar som har samanheng med helsehjelpa
  ein pasient/brukar skadar ein annan, og utfallet er uventa ut frå pårekneleg risiko
• Verksemda skal melde frå om alvorlege hendingar snarast mogleg og seinast innan fem yrkedagar etter hendinga.

Kven skal melde?

Alle verksemder som yter helse- og omsorgstenester har meldeplikt, og meldingar skal sendast via portalen melde.no.

Kva skjer etter at verksemda har meldt frå?

Statsforvaltaren vurderer hendinga det er meldt frå om, og avgjer om vi skal behandle saka via meldeordninga. I saker som vi vel å følgje opp, tek vi kontakt med den aktuelle verksemda.

Eit av oppfølgingspunkta er at verksemda sjølv utarbeidar ein rapport om hendinga.

Kva skal med i rapporten?

Verksemda sender rapporten til Statsforvaltaren innan tre månader etter hendinga. Rapporten skal mellom anna innehalde:

• gjennomgang av hendinga og moglege årsaker
• kva tiltak verksemda skal gjere for at liknande hendingar ikkje skal skje igjen
• korleis pasienten, brukaren, næraste pårørande og helsepersonell er følgt opp og involverte i forbetringsarbeidet

Helsedirektoratet har laga denne informasjonen til verksemder:

• guide for korleis verksemda skal skrive rapporten (helsedirektoratet.no)
• guide for korleis verksemda kan ivareta pasientar, brukarar, pårørande og medarbeidarar etter ei alvorleg hending (helsedirektoratet.no)