Ostesymposium 2024
Driv du ysteri eller har planar om å starte opp med ysting eller mjølkeforedling - då bør du delta på Ostesymposium 2024 som blir arrangert på Sola Strand Hotell 11. - 13. mars.
Påmelding til Ostesymposium 2024 er opna og tek plass på Sola Strand Hotell 11. - 13. mars. Ostesymposium er eit fagleg seminar der gards- og handverksprodusentar, samt andre interesserte i Noreg samlast for fagleg påfyll, kunnskapsdeling og sosialt samvær.
Arrangør og samarbeidspartnarar
Det er organisasjonen Norsk Gardsost som er hovudarrangør av Ostesymposium i samarbeid med Rogaland fylkeskommune, Kompetansenettverk Lokalmat og Statsforvaltaren i Rogaland. Arrangementet skjer kvart andre år og inneheld blant anna foredrag, kurs, paneldebatt og leverandørmesse. Vi vonar at mange frå Rogaland vil delta.
Program og påmelding
Her kan du lese meir om program og påmelding. Hugs påmeldingsfrist som er 31. januar.
