Fiskereglar for laks og sjøaure i Møre og Romsdal

Hovudreglar

Fiske med stang og handsnøre etter laks og sjøaure i sjøen er tillatt heile året i Møre og Romsdal, med unntak av mars og april. Det er strengare reglar for fredingssoner utanfor elveutløp, sjå nedanfor.

I fjordområdet Sunndalsfjorden, Tingvollfjorden, Bergsøyfjorden og Batnfjorden ut til E39 er alt fiske etter sjøaure forbode heile året.

Fredningssoner

Alle vassdrag der det går laks og sjøaure har ei fredningssone på 100 meter utanfor elveutløpet (grense elv/sjø).

I 100-meterssona er alt fiske forbode, unnateke stong frå land når det er fisketid i elva.

Det er i tillegg over 80 utvida fredningssoner (munningsfredingssoner) som varierer i utstrekning frå nokre få hundre meter til fleire kilometer.

I munningsfredingssoner kan du fiske med stong frå land når det er fisketid i elva.

Fiske med handsnøre etter saltvassfisk frå is eller båt i ro heile året

• Fiske etter saltvassfisk med stong og handsnøre frå land, unnateke mars og april, om du er under 18 år.
• Fiske med stong og handsnøre frå land, is og båt (inkl. dorging) frå og med 1. oktober til og med 28. februar. Anadrom laksefisk må gjenutsettast, med unntak av Smøla kommune.
• Fiske etter saltvassfisk med teiner heile året, når heile fangstdelen til ein kvar tid står minst 5 meter under havoverflata

Nedsenking av garn i sjøen utanfor fredingssonene

I perioden frå og med 1. mars til og med 30. september skal alle garn, uansett maskevidde, senkast slik at heile fangstdelen står minst 3 meter under havoverflata til ei kvar tid.

Påbodet gjeld ikkje for reiskap som under utøving av yrkesfiske er sett ut for å fange anna enn laksefisk.

Fiskeforbod utanfor kraftverksutløp i sjø

Ved Tussa kraftstasjon, Åmela kraftstasjon og Tafjord kraftstasjon (K4) er alt fiske etter anadrome laksefisk og saltvassfisk forbode i området som strekkjer seg 100 meter frå kraftverksutløpet og ut i sjøen.

Dragsundet, Ålesund og Holmsundet, Hustadvika

I perioden frå og med 1. mars til og med 30. september er det forbode å fiske med stang frå land og båt i Dragsundet innanfor grenselinene 1) vest for Dragsundet frå Lauvikneset til nordsida av Solnørvika og 2) nord for Dragsundet ved Åtlhøgda.

I perioden frå og med 1. mars til og med 30. september er det forbode å fiske med stang frå bruene i Holmsundet og langs heile vegfyllinga frå bru til land på begge sider.

Freding av sjøaure og laks i mars og april

I alle sjøområde, unnateke Smøla kommune, er fiske etter sjøaure og laks forbode i mars og april.

Freding av sjøaure heile året i fjordområde på Nordmøre

I fjordområdet Sunndalsfjorden, Tingvollfjorden, Bergsøyfjorden og Batnfjorden innanfor E39 i Møre og Romsdal er det ikkje lov å fiske etter sjøaure frå land eller båt heile året, og heller ikkje laks i perioden 1. mars - 30. april. 

Fangstrapportering for stangfiske i sjø: Stangfiske i sjø (miljødirektoratet.no)

Oppsyn

Statens naturoppsyn vil følge opp aktiviteten med oppsyn og kontroll både frå land og frå sjø. Ulovleg fiske vil bli politianmeldt.

Kontakt