Vernet skal bidra til at eit utval av representativ og sårbar norsk marin natur blir tatt vare på. Sognefjorden oppfyller kriteria i naturmangfaldlova, og skal kunne tene som referanseområde for forsking og overvaking.
Den føreslegne vernegrensa går primært til to meter under sjøkartnull. Vi foreslår likevel å inkludere grunne område på privat eigedom opp til flomål der det er spesielle verneverdiar, og der det marine vernet grensar til verneområde på land.
Verneforslaget er basert på eit omfattande kunnskapsgrunnlag, både i form av kartleggingar, konsekvensutgreiing, møte, innspel og drøftingar undervegs i prosessen.