Fritak for karakter i framandspråk

For å få fritak må følgjande vilkår vere oppfylte:

• eleven er eller har vore elev i eit studieførebuande utdanningsprogram
• eleven har dysleksi, spesifikke språkvanskar eller andre dokumenterte vanskar som gir tilsvarande utfordringar i språkfaget
• vanskane er så omfattande at tilrettelegging (tilpassingar i undervisninga) ikkje er tilstrekkeleg for å sikre likeverdige opplæringsmoglegheiter

Det kan òg gjerast individuelle vurderingar ved andre funksjonsnedsetjingar som gir liknande konsekvensar i framandspråk.

• Eleven deltek framleis i opplæringa i faget.
• Eleven får undervegsvurdering, men ikkje karakter.
• Eleven skal ikkje ha standpunktkarakter eller eksamen i faget.
• Eventuelle karakterar som alt er gitt, kan bli strokne frå vitnemålet dersom fritak blir innvilga.

Kva opplysningar treng vi

Søknaden må dokumentere at vilkåra for fritak er oppfylte. Vanleg dokumentasjon er:

• Stadfesting frå skulen på at eleven er eller har vore elev i eit studieførebuande utdanningsprogram.
• Informasjon frå skulen om kva slags tilrettelegging du har fått, og vurdering av effekten av denne.
• Sakkunnig vurdering (til dømes frå PPT) som dokumenterer vanskane og graden av dei.
• Eventuelt vedtak om individuell tilrettelegging, eller vurdering som viser at slik tilrettelegging ikkje er tilstrekkeleg.

Eleven kan velje å søkje sjølv, men må da sjølv sørge for å leggje ved dei nødvendige vedlegga frå skulen. Det vanlegaste er derfor at skulen søkjer på vegner av eleven. 

Skjema for elevar som vil søke sjølv (altinn.no).