Slik blir tilskotsordninga forvalta
- målgruppa for kompetansetiltaka i ordninga er tilsett i barnehagar, SFO og skular – både lærarar, barnehagelærarar, leiarar og andre tilsette. Det gjeld også tilsette i PP-tenesta, kulturskulen, førebuande opplæring for vaksne og andre relevante kommunale tenester.
- styrkje profesjonelle læringsfellesskap i og mellom barnehagar og grunnskular, vurdert ut frå lokale behov
- brukast til kollektiv kompetanseutvikling i barnehage og grunnskule i partnarskap med universitet eller høgskule, eller i samarbeid med fagskule eller eventuelt andre relevante kompetansemiljø
- bidra til å sikre at samiske perspektiv blir ivaretekne
- Statsforvaltaren informerer om rammer og vilkår for tilskotsordninga i sine fylke. Statsforvaltaren set tidsfristar når ordninga blir kunngjort kvart år.
- Kommunen, private eigarar eller eit nettverk av eigere utarbeider behovsmelding i samarbeid med universitet, høgskule, fagskule og andre aktuelle kompetansemiljø.
- Planlegging av kompetanseutviklingstiltak som gjeld heile eller delar av personalet, skal ta utgangspunkt i behovsmeldinga.
- Statsforvaltaren mottek behovsmeldingar og lagar forslag til fordeling av tilskotsmidlane.
- Forslaget til fordeling blir presentert i samarbeidsforumet, som skal vurdere og gi innspel.
- Statsforvaltaren fattar vedtak om tildeling av tilskot.
- Statsforvaltaren fordeler tilskotet til tilskotsmottakar innan 15. april.
- Mottakarar av tilskot rapporterer kvart år til Statsforvaltaren om kva tiltak som er gjennomførte, korleis midlane er brukte, og vurderer dessutan måloppnåinga.
Slik melder de inn behov for kompetanseutvikling
Kommunar og private barnehage- og skuleeigarar skal årleg melde inn behov for kollektiv kompetanseutvikling. Behovsmeldinga skal utarbeidast i samarbeid med universitet, høgskule, fagskule eller anna relevant kompetansemiljø, vere lokalt forankra i tråd med hovudavtalen og vise at tiltaket oppfyller krava til ordninga.
Kommunale barnehage- og skuleeigarar melder behov via kompetanseregionen. Private barnehage- og skuleeigarar skal sende behovsmeldinga direkte til postmottaket vårt på e-postadresse sfvlpost@statsforvalteren.no. Kommunale eigarar melder sine behov til eigen kompetanseregion. Alle søkjarar skal nytte gjeldande behovsmeldingsskjema.
Kontakt oss
Kontakt oss gjerne for meir informasjon.
Per Sindre Thoresen Aaland
seniorrådgjevar, Statsforvaltaren i Vestland
Sindre Myklebust Fjeld
seniorrådgjevar, Statsforvaltaren i Vestland