Det er no registrert 168 meldingar om mogleg produksjonssvikt i grovfôr (føretak med husdyr). Det er grunn til å tru at det vil kunne koma fleir. Og ein del av dei som melder, vil i neste omgang søke om tilskot.
Dei aller fleste meldingane kjem frå dei øvre delane av Telemark. Men det har og kome meldingar om mogleg produksjonssvikt i grovfôr frå Vestfold og dei nedre delane av Telemark.
Denne kompetansesamlinga vil leggje særleg vekt på kommunen sine oppgåver
- informasjon til føretaka
- oppfylging av meldingar
- oppmåling av grovfôrlager
- dokumentasjon som må skaffast til vege
- skriving av fråsegn
Vidare vil me presisere rollefordelinga mellom føretak, kommune, statsforvaltar og direktorat.
Me vil òg vise døme på klagesaker og med det kva Landbruksdirektoratet legg vekt på i si handsaming.