Stáhttaháldadiddje dahkamus la sihkarastut jut dån viesajdiddjen oattjo ietjat riektájt ma lij gájbbedahtte almulasjvuodas. Mij lip álu gujddiminstánssa gå gujddi gieldalasj mærrádusáv. Miján li dievnastusá dunji ájnegattjan, ja vaddep duodden bagádallamav mijá fáhkasuorgijn.
Stáhttaháldadiddje la ájnas gasskaladás suohkanij ja guovdásj mierrediddjij gaskan. Bærrájgæhtjo tjadá sihkarasstep jut suohkana ja dievnastiddje vaddi buorre ja duhtadahtte fálaldagájt. Bagádallap, tjadádip kursajt ja hárjjidip iehtjama ulmmejuohkusijt måttijt fáhkasuorgijn, ja duodden lip álu gujddiminstánssa gå soames hállit gujddit mærrádusáv jali dievnastusáv. Mij háldadip doarjjaårdnigijt masi suohkana ja iehtjáda máhtti åhtsåt.
Le gus æládusdoajmme jali åvdåsta organisasjåvnåv, de adná Stáhtaháldadiddje doarjja- ja buohttimårdnigijt massta máhtá åhtsåt. Fállap aj bagádallamav iehtjama fáhkasuorgijn. Muhtem vidnudagá hæhttuji åhtsåt mijás mierredum loahpádusájda. Stáhttaháldadiddje máksá mávsálvisáv advokáhtajda ja riektáviehkijda gudi lij vaddám mávsek riektáviehkev.
Stivrrimportálan máhtá gæhttjat gájka mijá bargojt ja jahkediedádusájt. Stáhtaháldadiddje háldadusdahkamusá lij Digitaliserim- ja háldadimdepartementa vuolen.