Ekonomeles sosijaaleviehkie
Dïhte guhte ij buektehth jïjtse jieliemassen åvteste maeksedh, maahta sosijaaleviehkien bïjre syökedh. Maahta viehkiem åadtjodh goh beetnehdåarjoe, löönemh jïh löönemegarantije. Ekonomeles sosijaaleviehkie edtja uvtemes akte annjebodts dåarjoe årrodh, jïh dïhte mij viehkien bïjre syökoe, edtja buektiehtidh jïjtjemse bearkadidh ånnetji ånnetji. Ohtsemh sosijaaleviehkien bïjre seedtesuvvieh Nav-kontovrese tjïeltesne.
Bihkedassh, men stilleme vuarjasjimmie
Dastegh datne sosijaaleviehkien bïjre syökh, dle tjoerh voestegh pryöveme jïjtjemdh jieliehtidh, jallh datne leah pryöveme dov ekonomeles reaktah nuhtjedh, vuesiehtimmien gaavhtan tjïrkemereaktah. Åejviedïedte sosijaaldïenesjidie lea tjïeltine, jïh Nav-kontovrh tjïelten laavenjassh daennie suerkesne darjoeh. Bïhkedassh gååvnesieh man stoerre dåarjoem fïerhte almetje maahta åadtjodh, men tjïelth reaktam jïh dïedtem utnieh fïerhtem aamhtesem sjïerelaakan vuarjasjidh.
Fylhkenålman laavenjassh
Jis sosijaaleviehkien bïjre syökh jïh Nav-kontovre nyöjhkoe, maahtah nænnoestimmiem laejhtedh. Dellie klååkemem tjïeltese seedth, mij dam Fylhkenålmese seedtie.
Fylhkenålma aktem vaaksjomedïedtem åtna mij lea akte reakta jïh dïedte vaaksjodh mejtie tjïelte sov dïedth tjïrrehte 4. kapihtelen mietie laakesne sosijaale dïenesji bïjre Nav'sne. 4. kapihtele dejtie indivijduelle dïenesjidie laakesne stuvrehte, gaskem jeatjah ekonomeles dåarjoe.
Laajkoeraeriestimmie
Tjïelte edtja tjïelten årroejidie ekonomeles raeriestimmiem jallh laajkoeraeriestimmiem faalehtidh. Daate raeriestimmiedïenesje lea daamtaj dan voenges Nav-kontovrese bïejeme, jïh dïenesje vaadtasåvva laaken mietie sosijaale dïenesji bïjre. Fylhkenålman laavenjassh leah stuvreme tjïelti vööste, jïh edtja gaskem jeatjah lïerehtimmie- jïh kuvsefaalenassh vedtedh tjïelten barkijidie.