Konsesjovnelaake
Konsesjovnelaaken åssjele lea dam aerpievuekien fuelhkielaanteburriem dåarjedidh, men laake aaj nuhteligs dejtie mah sijhtieh eekh evtiedidh orre jielemigujmie, jïh dejtie mah sijhtieh aktene gaertienisnie årrodh.
Årromedïedte
Akte politihkeles ulmie almetjh abpe laantesne årroeminie, jïh dïhte gorresåvva gaskem jeatjah årromedïedten tjïrrh. Laaken mietie dle årromedïedtem åtna jis dïhte guhte odelem åtna jallh lïhke slïekte, aajhterinie sjædta aktede eekeste mij lea stuerebe goh 35 dekar ientjh, jallh 500 dekar skåajje. Maahta aaj årromedïedtem krïevedh aktene konsesjovneaamhtesisnie. Fïerhte tjïelte maahta aaj årromedïedtem krïevedh dejstie mah åestieh jallh gåetieh eerpieh gusnie maahta abpe jaepien årrodh.
Jåartelaake
Jåartalaake guvviem vuesehte dehtie laanteburriepolitihkeles ulmeste, mij lea arealevierhtide gorredidh jïh vierhtide tjåadtjoehtidh jïh eevtjedh fïerhtene gaertienisnie. Daate sæjhta jiehtedh dïhte guhte ientjem eekie, dïedtem åtna jåartam sjïdtedehtedh.
Tjïelte aamhtesh gïetede jïh sjæjsjele jåartalaaken jïh konsesjovnelaaken mietie, jïh Fylhkenålma lea klååkemesuerkie.