Byjreseråajvarimmieh laanteburresne

Husdyrgjødselspredning ved nedlegging og bruk av tilførselsslange er et godt klimatiltak.
Husdyrgjødselspredning ved nedlegging og bruk av tilførselsslange er et godt klimatiltak. Foto: Karoline Finstad Vold.

Nasjovnale byjreseulmieh jïh jåartaburrien haestemh leah buerkiestamme dennie nasjovnale byjreseprogrammesne. Byjreseprogramme edtja viehkiehtidh jåartaburrien byjresebarkoem ulmien vööste stuvredh, jåartaburrien tjåenghkies byjresebarkoem vuesiehtidh, jïh buerebe voenges jïh regijovnale gårreldimmiem sjugniedidh byjresebarkoste.

Fylhkenålman lea dïedte regijovnale byjreseprogrammem laantebårran evtiedidh jïh tjïrrehtidh (daaroen åeniedamme RMP), mij våaromem åtna dennie nasjovnale byjreseprogrammesne. Byjreseprogrammh edtjieh laanteburrien byjresebarkoem vihtiesåbpoe darjodh, jïh dam tjåenghkies byjresebarkoem laanteburresne vuesiehtidh. Edtja regijovnale byjreseprogrammh stuvredh fïerhten regijiovnen haestemi vööste.

Tjïelth ohtsemh gïetedieh dåarjoen bïjre sjïere byrjeseråajvarimmide jåartaburresne.

Kultuvreeatneme akte vihkeles bielie kultuvreaerpeste

Akte vihkeles bielie byjreseråajvarimmijste jåartaburresne lea kultuvreeatnemem gorredidh, mij lea akte vihkeles bielie mijjen kultuvreaerpeste. Kultuvreeatneme lea dïhte eatneme maam almetjh tsevtsiedamme. Daajbaaletje tïjjen dle kultuvreeatneme tjarke jorkesamme. Jarkelamme barkoevuekieh jåartaburresne jïh akte bïjvelåbpoe klijma, jïjnjh kultuvreeatnemh håvhtadieh daelie. Gellie sjædtoeh, åhtoeh jïh jeatjah åårganismh leah sveekebe daelie jallh eevre gaarvanamme. Båeries fealadimmelaajroeh, kultuvremojhtesh, båeries jïh teknihkeles tseegkeldahkh jïh båeries vyörtegs gåetieh suvveminie jïh slaameminie. Båeries gåetiekreekesåarhth jïh aerpievuekien sjædtoeh leah vihkeles gen-vierhtieh, jïh leah vaahresne gaarvenidh daelie.

Juktie byjreseaarvojde kultuvreeatnamisnie gorredidh, dle daerpies aerpievuekien barkoevuekiem tjåadtjoehtidh jallh jurjemeråajvarimmiegujmie nïerhkedh. Regijovnale byjreseprogramme daejnie viehkehte, dåarjoejgujmie ektine mah vadtasuvvieh sjïere byjreseråajvarimmide jåartaburresne.

Fylhkenålman lea dïedte latjkoeh darjodh dajveaajhterigujmie jïh reaktaaajhterigujmie barkoevuekien, jurjemen jïh dåvvomeråajvarimmiej bïjre nasjovnale vaeljehke kultuvreeatnaminie jåartaburresne.

Vis mer