Statsforvalteren fikk nytt og kjønnsnøytralt navn 1. januar 2021. Det gamle navnet vårt var Fylkesmannen.

Plána- ja huksenriekti

Huksenáššiid ja muddenplánaid váidaleapmi ja áššemeannudeapmi

Gielddain dat lea ovddasvástádus areálaplánemis ja huksenlobiid mieđiheames gielddarájáid siskkobealde. Birasgáhttendepartemeanta lea bajimuš plánaeiseváldi, Gielda- ja guovlodepartemeanta fas lea bajimuš hukseneiseváldi. Fylkkamánni lea huksenáššiid ja muddenplánaide guoskevaš áššiid váidalaninstánsa.  

Huksenáššiid ja muddenplánaid váidaleapmi

Fylkkamánni galgá váidalaninstánsan bargat dan ovdii, ahte lágaid, láhkaásahusaid ja areálaplánaid huksenpolitihkalaš ulbmilat ollašuvvet buoremus lági mielde. Muhto fylkkamánni galgá maid deattastit gielddaid iešstivrejumi.

Gii sáhttá váidalit?

Doaimma johttáheaddji, ránnjá ja earát, geain lea váidalanvuoigatvuohta, sáhttet váidalit gieldda mearrádusaid, mat gusket huksen- ja muddenáššiide. Váidalusa galgá sáddet gildii. Jos gielda ii rievdat mearrádusas, dat sádde ášši viidáseappot Fylkkamánnii, mii mearrida ášši loahpalaččat.

Áššemeannudanáigi

Fylkkamánni galgá vuoruhit áššiid, main váidalus maŋida mearrádusa ollašuhttima. Dakkár áššiid galgá meannudit 6 vahku siste. Eará dáhpáhusain Fylkkamánni galgá vuoruhit áššiid dan mielde, man mávssolaččat dat leat olbmui ja servodahkii. Áššemeannudanáigi ii galgga leat guhkit go 3 mánu.
 

Vis mer