Okta Stáhtahálddašeaddji bargguin lea fuolahit, ahte du vuoigatvuođat ássin maid almmolašvuohta lea geatnegahtton addit ollašuvvet. Mii leat dávjá váidinorgána go váiddát suohkana mearrádusa. Mis leat máŋga bálvalusa mat leat oaivvilduvvon dutnje priváhta olmmožin, ja mii fállat maiddái bagadallama iežamet fágasurggiid siskkobealde.
Stáhtahálddašeaddji lea deaŧalaš čanastat gaskal suohkaniid ja guovddáš eiseváldiid. Bearráigeahččan- ja dárkkistanbarggu bokte bearráigeahččat mii ahte suohkanat ja bálvalusfállit addet buriid ja dohkálaš bálvalusaid. Mii bagadallat, fállat kurssaid ja hárjehallat iežamet olahanoavkkuid máŋga fágasuorggis, ja dasa lassin leat mii dávjá váidinorgána go muhtun áigu váidit mearrádusa dahje bálvalusa. Mii hálddašit maiddái ollu doarjagiid maid suohkanat ja earát sáhttet ohcat.
Jus jođihat fitnodaga dahje ovddastat organisašuvnna, de leat Stáhtahálddašeaddjis doarjja- ja buhtadusortnegat maid sáhtát ohcat. Mii fállat maiddái bagadallama min fágasurggiid siskkobealde. Muhtun fitnodagat fertejit maid ohcat mis oažžut dihto lobiid. Stáhtahálddašeaddji máksá maiddái bálkká advokáhtaide ja riektevehkiide geat leat addán nuvttá riekteveahki.
Hálddašanportálas oainnát buot min doaimmaid ja jahkedieđáhusaid. Stáhtahálddašeaddji lea hálddahuslaččat Digitaliseren- ja hálddahusdepartemeantta vuollásaš.
Organisašuvdnakárta
