Statsforvalteren fikk nytt og kjønnsnøytralt navn 1. januar 2021. Det gamle navnet vårt var Fylkesmannen.

Heahtediliid dusten ja doaimmaid buohtalastin

Ovddasvástádusa prinsihpa mielde dan instánssas, mas dábálaš dilis lea ovddasvástádus dihto suorggis, lea maid ovddasvástádus eahpedábálaš dáhpáhusain ja heahtediliin. Lagašvuođaprinsihpa mielde heahtediliid galgá čoavdit vuolimus vejolaš servodatdásis. 

Stuorra heahtediliid ja roasuid dustemii servet dávjá máŋga instánssa. Dakkár diliin Fylkkamánni sáhttá buohtalastit fylkka doaimmaid. Jos lea áigeguovdil buohtalastigoahtit guovlluguovdasaš  doaimmaid, de ásahuvvo oktavuohta Fylkkamánni ja daid etáhtaid gaskii, maidda dilli guoská. Dan oktavuođas soaitá fylkkagearggusvuođaráđđi leat mávssolaš forum.

Fylkkagearggusvuođaráđis leat mielde mávssolaš almmolaš gearggusvuođaaktevrrat ja eaktodáhtolaš ja priváhta organisašuvnnat, main lea fágamáhttu servodatsihkarvuođa ja gearggusvuođa birra. Ráđđi lea forum, man olis gulahallet gearggusvuođabarggu hárrái, ja heahtedilis ráđđi lea Fylkkamánni mávssolaš ovttasbargo- ja doarjjaorgána.

Soađis Fylkkamánnis lea váldi fuolahit mávssolaš servodatberoštumiin, jos gulahallan ráđđehusain boatkana.