Statsforvalteren fikk nytt og kjønnsnøytralt navn 1. januar 2021. Det gamle navnet vårt var Fylkesmannen.

Almmolašvuođaláhka

Buohkat sáhttet bivdit beassat oaidnit daid hálddašanorgánaid áššebáhpáriid, maidda almmolašvuođaláhka guoská. Geavat Almmolaš elektrovnnalaš poastajournála (AEP) , mainna bivddát lobi oaidnit stáhta doaimmaid reivviid ja dokumeanttaid.

Fylkkamánni bagada ja neavvu almmolašvuođaláhkii guoskevaš áššiin, earret eará gielddaid. Almmolašvuođalága mielde hálddahusa áššebáhpárat leat prinsihpalaččat almmolaččat, nu ahte daid beassá oaidnit. Láhka guoská maiddái muhtin iehčanas riektesubjeavttaide, main almmolašvuohta oamasta stuorra oasi, ovdamearkka dihte energiija- ja doapparčorgenfitnodagaide.


Dokumeanttaid oaidnin biehttaluvvo

Jos dokumeanttaid ii beasa oaidnit, de biehttaleami galgá oažžut čálalažžan, ja das galgá čujuhuvvot dan láhkamearrádussii, man vuođul dieđuid ii beasa oaidnit. Vaikko livččiige láhkavuođđu, man vuođul sáhttá biehttalit oaidnimis dieđuid, de hálddašanorgána galgá liikkáge árvvoštallat itgo don sáhtáše beassat oaidnit dokumeantta dahje dan dieđuid. Dat čuovvu nu gohčoduvvon stuorát almmolašvuođa prinsihpa. Dieđut, maidda jávohisvuođageatnegasvuohta guoská, eai leat almmolaččat. 

Váidalus, go ii leat beassan oaidnit dokumeanttaid

Jos gielda dahje fylkkagieldda orgána dahje almmolaččat oamastuvvon riektesubjeavttat leat biehttalan du oaidnimis dieđuid go leat sádden ohcamuša, de sáhtát váidalit Fylkkamánnii. Jos don it leat beassan oaidnit Fylkkamánni dokumeanttaid, de lea Ođasmahttin-, hálddahus- ja girkodepartemeanta váidalaninstánsa. Go váidalat almmolašvuođalága vuođul, de galggat sáddet váidalusa vuos dan orgánii, mii lea biehttalan du oaidnimis dieđuid. Dat orgána de meannuda váidalusa vuos álggus. 

Vis mer