Nyhende

Vi har sendt ut eit brev til kommunane for å klargjere nokre tema og problemstillingar vi ser i handsaming av klagesaker etter plan- og bygningslova. Mellom anna gjev vi rettleiing og informasjon om sakshandsamingsreglane i naturmangfaldlova.  

Vi stadfestar Bremanger kommune sitt vedtak om å godkjenne reguleringsplanen for hydrogen- og ammoniakkfabrikk på Holmaneset. 

Framlegg til revidert nasjonalbudsjett (RNB) 2026 og kommuneopplegget for 2027 vart lagt fram 12. mai.

Statsforvaltaren tilrår i oversending til Kommunal- og distriktsdepartementet (KDD) at detaljreguleringsplanen for Plommevika ved Hardangerfjorden i Ullensvang kommune ikkje vert godkjend.

Brukar du Statsforvaltarens skjema på vegner av ei verksemd, bør du lese om endringane som vil komme. Tilgang til tenester og skjema via roller opphøyrer ved utgangen av året. I staden treng du fullmakt via ein tilgangspakke. Det er verksemda di som gir tilgangspakkar. 

Vi har oppheva Kinn kommune si avgjerd om å avslutte planprosessen for Måsholmen - Håskjera, næring og hamn. Dette betyr at Kinn kommunestyre må ta stilling til reguleringframlegget på nytt.

I meklinga 17. april om uløyste motsegner til arealdelen til kommuneplanen for Kinn vart det oppnådd semje i seks av totalt sju meklingspunkt.

Vi opphevar Bergen kommune si alkoholpolitiske retningslinje som forbyr skjenking på stadar som tilbyr stripping, topplausservering og liknande som del av driftskonseptet. Det ligg ikkje føre ei alkoholpolitisk vurdering som grunngjev forbodet.

Dei aller fleste arealplansakene i Vestland blir løyste lokalt. I 2025 var det behov for å mekle i berre éi plansak.