Om samlinga
I løpet av tre dagar blir det både ein felles fagdag (23. september) og eigne møte i nettverka for barnevern og Nav (22. september for Nav, og 22. og 24. september for barnevern). Programma vert lagt ut under «Dokument» så snart dei er klare. Programmet for samlinga for Nav 22. september og for felles samling 23. september, er klare.
Dette skjer 22. september
Denne dagen skjer det tre ulike ting:
- Eiga fagsamling for Nav, der tema blir verjemål, heilskapleg kompetanseutvikling, bustadsosialt arbeid og barnets beste-vurderingar.
- Møte i Barnevernsleiarforum frå klokka 10.00.
- Styringsgruppemøte for barnevernsleiar- og læringsnettverket frå klokka 12.00 (startar med lunsj).
Dette skjer 23. september
Dette er dagen med felles program for barneverns- og sosialområdet.
Tema vert korleis:
- samarbeide kring barn som har rettar etter fleire lovverk i overgangen frå barn til vaksen?
- få til gode overgangar for unge som bur på institusjon eller i fosterheim og skal flytte heim eller på hybel?
- samarbeide om familiar som har hjelp frå Nav og barnevernet samtidig?
Dette skjer 24. september
Denne dagen har vi den tradisjonsrike barnevernsleiar- og læringsnettverkssamlinga. På programmet vert det:
- Presentasjonar frå utviklingsprosjekta.
- Innlegg frå kompetansemiljø og Statsforvaltaren.
- Oppdatering på siste nytt i tråd med det som vart lagt fram på årsmøtet.
Det vert ikkje program for Nav denne dagen.
Delta med stand i «stel og del»
Vi gjentek suksessen frå tidlegare år med «stel og del», 23. september. Vi oppfordrar kompetansemiljøa, brukarorganisasjonar, utdanningsinstitusjonar, Barne-, ungdoms- og familieetaten (Bufetat), kommunesektorens organisasjon (KS) og utviklingsprosjekta på barneverns- og Navfeltet til å ha stand.
Vi set av tid i programmet der deltakarane går rundt for å hente inspirasjon og knytte nye kontaktar.
Praktisk informasjon
Denne fagsamlinga er berre for leiarar, fagutviklarar og prosjektleiarar/medarbeidarar i Nav og barnevernet. Samlinga er gratis for deltakarar i målgruppa.
Påmeldingsfristen er 1. september klokka 12.00, og det er bindande påmelding. Dersom du likevel må melde avbod, er det viktig at du gjev beskjed så snart som råd, slik at andre kan overta plassen.
Reise til og frå, og eventuelle overnattingar før eller etter samlinga, dekkjer kommunane sjølv.
Ved mange påmelde, vil vi prioritere at alle kommunane får delta. Vi har reservert eit avgrensa tal hotellrom og vil prioritere å dekkje overnatting for dei med lengst reiseveg, og deretter etter datoen de har meldt dykk på.
Ved å melde deg på samlinga samtykker du til at vi kan dele informasjonen din med hotellet og med medarrangørar. Les meir om personvern under «Lenkjer».
Påmelding
Jobbar du i Nav? Bruk denne lenkja når du melder deg på: Påmeldingsskjema for tilsette i Nav.
Jobbar du i barnevernet? Bruk denne lenkja når du melder deg på: Påmeldingsskjema for tilsette i barnevernet.