Bent Høie (f. 1971) blei i statsråd 26. oktober 2018 utnemnt til statsforvaltar i Rogaland. Høie tiltredde 1. november 2021.
Bent Høie var helseminister frå 2013 til 2021 i Solberg-regjeringa. Han var stortingsrepresentant for Rogaland i perioden 2000–2021 og var mellom 2010 og 2020 andre nestleiar i Høgre.
Høie har særleg markert seg som helse- og sosialpolitikar. Før han blei statsråd i regjeringa, var han leiar for helse- og omsorgskomiteen på Stortinget mellom 2009 og 2013.
Høie starta si politiske karriere i heimfylket Rogaland. Han var innvalt i fylkestinget frå 1991 til 2003. Han leia Rogaland Unge Høgre frå 1990 til 1992. Han var kommunestyremedlem i heimkommunen Randaberg i 1991–1995 og seinare bystyremedlem i Stavanger i 1999–2003.
Bierverv som er godkjende av departementet:
- Leiar offentleg utval som greier ut berekrafta i det norske matsystemet. Pågår til november 2026.
- Leiar styret i Stiftelsen Beitostølen Helsesportssenter.
- Sit i fagleg referansegruppe for aldring og helse, Helse Sør-Øst.
Bi-erverv som er avslutta:
- Medlem av ekspertgruppe som greidde ut tilrådingar om Noregs satsing på global helse (Stoltenbergutvalet).