Tryggleiksstandard skal betre kvaliteten på sjukeheimar
Mange eldre på sjukeheimar får god omsorg og gode tenester, men det er store skilnader i kvaliteten. Regjeringa har utvikla eit felles verktøy for å sikre god praksis på alle sjukeheimar.
Dette innhaldet er meir enn eitt år gammalt. Informasjonen kan derfor vere utdatert.
Publisert 07.05.2021
Tryggleiksstandard er eit digitalt verktøy som leiarar på sjukeheimar kan bruke for å sikre eit godt og trygt tilbod for pasientane. Eit viktig mål er å redusere uønskt variasjon mellom sjukeheimar. Verktøyet er ferdig testa og klar til å takast i bruk.
Tryggleiksstandarden er eit viktig tiltak i Leve heile livet-arbeidet.
Verktøyet er tilgjengeleg på ressursportal.no, som er ein kunnskapsbank for analyse og planlegging av helse- og omsorgstenestene i kommunane.