Statsforvalteren fikk nytt og kjønnsnøytralt navn 1. januar 2021. Det gamle navnet vårt var Fylkesmannen.

Apostillesteempele tjaatseginie

Jis akte nöörjen tjaatsege edtja faamosne årrodh ålkoelaantesne , dle apostillesteempele daerpies. Åvtelen akte tjaatsege maahta apostillesteempelem åadtjodh, dle tjuara voestegh notarial- vihtiestamme årrodh, daate sæjhta jiehtedh akte notarius publicus (embeteålma mij dïedtem åtna såemies byögkeles, rïekteles dahkoej åvteste) tjuara tjaatsegasse nommevæhtam jïh steempelem bïejedh institusjovnen embetesteempelinie (daamtaj akte læjjonesteempele). Vihkeles nomme jïh tihtele leah tjïelkelaakan tjaalasovveme, trygkeme bokstaavigujmie jallh blokkbokstaavigujmie nommevæhtan nuelesne.

Apostillesteempele ij sisvegem tjaatsegisnie vihtesth, men nænnoste notarius publicusen nommevæhta lea rïektes. Daate legaliseringe gohtjesåvva.

Fylhkenålma tjaatsegh legaliserede mejtie edtja ålkolaantesne nåhtadidh, daate sæjhta jiehtedh tjaatsegh mejtie edtja laantine nåhtadidh mah Haag-konvensjovnem ratifiseradamme.

Ålkoerijhkedepartemeente (ÅD) aktem orrestamme læstoem daej laantigujmie åtna. ÅD aaj bïevnesh åtna tjaatsegi bïjre mejtie edtja nåhtadidh dejnie laantine mah eah leah Haag-konvensjovnem ratifiseradamme. Tjaatsegh mejtie edtja Noerhtelaantine nåhtadidh, eah apostillesteempelem daarpesjh. Dellie nuekies aktine notarialnænnoestimmine.

Vis mer