Reakta jïh dïedte lïerehtimmiem åadtjodh
Jïjnjh aadtjen båateme sijsjuhtijh mah aktene nöörjen tjïeltesne orrijieh, sijhtieh maadthmaahtoem daarpesjidh. Dej leah reakta jïh dïedte meatan årrodh introduksjovneprogrammesne. Reakta jïh dïedte sæjhta aaj jiehtedh meatan årrodh lïerehtimmesne nöörjen gïelesne jïh siebriedahkedaajroen bïjre, tjåanghkan 600 tæjmoeh. Tjïelth dïedtem utnieh introduksjovneprogrammem tjïrrehtidh, jïh lïerehtimmien åvteste nöörjen gïelesne jïh siebriedahkedaajrosne.
Dah mah meatan introduksjovneprogrammesne reaktam utnieh introduksjovnedåarjoem åadtjodh.
Tjïelth beetnegh åadtjoeh öörnegasse
Dah mah maehtieh lïerehtimmiem jïh dåarjoem åadtjodh introduksjovnelaaken mietie, vïhtesjadteme sjidtieh Nasjovnale introduksjovneregisterisnie (NIR). Dejstie vïhtesjadteme bïevnesijstie dle tjïelth maehtieh beetnehdåarjoen bïjre syökedh juktie lïerehtimmiem tjïrrehtidh nöörjen gïelesne jïh siebriedahkedaajrosne. Aervede beetnehdåarjoem mestie man gellie almetjh ulmiedåehkesne mah reaktam jïh dïedtem utnieh mah tjïeltesne årroeh, lissine dåhkasjamme nöörjenpryövenasse. Lissine dle dåarjoe nöörjenlïerehtæmman geerve asyleohtjijidie vadtasåvva dejtie tjïeltide mah asyledåastovem utnieh.
Fylhkenålman laavenjassh
Fylhkenålma ohtsemidie jååhkesje NIR'sne, jïh dåarjojde maaksa.
Introduksjovnelaakesne jienebh nænnoestimmieh aktegsalmetji reaktaj jïh dïedti bïjre.
Fylhkenålma lea klååkemesuerkie nænnoestimmide daej nænnoestimmiej mietie.
Skïereden 1.b. raejeste Fylhkenålma edtja tjïelti barkoem vååksjedh, jïh mejtie dah sijjen dïedth illieh introduksjovnelaaken mietie.